Версія для друку
Памер
+
Друк

Адысці ад банкруцтва да рэабілітацыі - як у Беларусі хочуць ратаваць праблемныя прадпрыемствы

 Для прадпрыемстваў павінны дзейнічаць механізмы "аўтаматычнай" абароны ў выпадку неспрыяльных знешніх фактараў. На гэта звярнуў сёння ўвагу Прэзідэнт Беларусі Аляксандр Лукашэнка на нарадзе з кіраўніцтвам Савета Міністраў, перадае карэспандэнт БЕЛТА.

Каля года таму на ўзроўні кіраўніка дзяржавы разглядаўся законапраект "Аб урэгуляванні неплацежаздольнасці". Тады ўраду было даручана змяніць ідэалогію гэтага дакумента: адысці ад банкруцтва да рэабілітацыі праблемных прадпрыемстваў. Таксама змянілася канцэпцыя законапраекта - акцэнт зроблены на абароне арганізацый ад шокаў, выкліканых неспрыяльнымі знешнімі фактарамі. "Пры гэтым хачу сказаць, што пераадоленне гэтых шокавых бар'ераў - перш за ўсё клопат працоўных калектываў і кіраўнікоў гэтых працоўных калектываў", - падкрэсліў Аляксандр Лукашэнка.

"Акрамя таго, прадугледжана, што будзем адыходзіць ад судовага суправаджэння ўсіх этапаў разгляду спраў аб эканамічнай неплацежаздольнасці. Мною было даручана не перагружаць суды неўласцівымі пытаннямі, таму што завалілі суды рознымі праблемамі эканамічнага характару, спрэчнымі пытаннямі, звязанымі з эканомікай. Раней гэтыя пытанні вырашаліся ў мясцовых органах улады, - адзначыў кіраўнік дзяржавы. - Каардынуючая роля ў пытаннях фінансавага аздараўлення канчаткова будзе сканцэнтравана ва ўрадзе, галіновых органах улады і выканкамах".

Прэзідэнт не выключыў, што частку пытанняў усё ж трэба будзе пакінуць на разгляд судоў. Але яны, дадаў Аляксандр Лукашэнка, ужо будуць апошняй інстанцыяй.-0-

НАВIНЫ БЕЛАРУСI


Вы можаце знайсці гэту старонку па наступным адрасе:
http://voronovo.grodno-region.by/by/republic-by/view/adystsi-ad-bankrutstva-da-reabilitatsyi-jak-u-belarusi-xochuts-ratavats-prablemnyja-pradpryemstvy-19190-2021/

© Воранаўскі раённы выканаўчы камітэт, 2016
Распрацоўка і падтрымка сайта БЕЛТА